2024 aallarnerfigalugu inu:it-ip Morten Lykke Olsen Kalaallit Nunaanni inu:it-mi pisortatut toqqarpaa. Anders Hoffgaard Danmarkimi suliffeqarfimmi pisortatut ingerlaannassaaq. 
  
Morten 2022-miilli Kalaallit Nunaanni inu:it-mi nunamut tunngatillugu pisortaasimavoq aamma angusanik kusanarluinnartunik tunniussaqarsimavoq. 
Taamaattumik inu:it-mi siulersuisut Mortenip Kalaallit Nunaanni suliffeqarfimmi qaffasinnerusumik atuuffeqalernissaa toqqarpaat. 
  
”Ulluinnarni sulisut sullitallu akornanni pisortap sulinermini sungiussisimalluarnissaa suliffeqarfimmut pingaaruteqarpoq. 
Taamaattumik iliuuserineqartoq una Atlantikumi sumiiffinni pineqartuni suliffeqarfiup ineriartorneranik ineriartorneratalu pitsanngornissaanik kinguneqassasoq naatsorsuutigaarput”, taama oqarpoq Anders Hoffggaard. 
  
Morten ilaquttani Kalaallit Nunaanni katillugit ukiut qulingiluat sinnerlugit najugaqatigisimavai, ukiunilu taakkunani piffissap ilarujussuani Ilulissaniissimapput, tassanilu Morten namminersorluni qarasaasiarsornermik pikkorilluinnarluni ingerlataqarsimalluni. 
 
”Qarasaasiarsorneq aqqutigalugu Kalaallit Nunaata nunarsuup sinneranut atassusernissaanut suleqataanissannut soqutiginnilluinnarpunga. Tamatuma peqatigisaanik Kalaallit Nunaanni kulturi immikkuullarissoq illersussavarput, tassanimi tatigeqatigiinneq, inuppalaassuserlu tunngaviupput. 
  
Inu:it-mi sulisut tamarmik Mortenip toqqarneqarneranut pilluaqqungaarpaat suleqatigiilluarnerullu ingerlateqqinnissaanut qilanaarlutik. Sulinerup ilaqutariittullu inuunerup akornanni oqimaaqatigiissitsinissaq inuussutissarsiornermi eqqumaffigineqarneruleraluttuinnarpoq. Sulisut oqimaaqatigiissaarinerat toqqissisimanerallu sullitanut oqimaaqatigiissitsinermik toqqissisimanermillu pilersitsisartut nammineerlunga isumaqarpunga. Sulisunik, sullitanik inuiaqatigiinnillu isumassuineq ullutsinni inuiaqatigiinni suliffeqarfittut akisussaaffiuvoq – aamma taannaavoq inu:it-mi suleqatikka peqatigalugit kivitseqataaffigerusutara”, taama oqarpoq pisortaq nutaaq.