Software
Softwarenut tunngatillugu sullitatta suleqatiginerisigut suliffeqarfimmut tulluarluinnartut misissoqqissaartuaannarpavut. Suleqatigiilluarnikkut pitsaasumik tunisisoqartarpoq.
Nalinginnaasumik software pillugu paasissutissat
Siornatigut softwaret maskiinamiit maskiinamut ikkussortagaammata utaqqinartarpoq. Aamma softwaret programminik applikationinillu taaneqartarput. Ullumikkut nunarsuarmi inuuffitsinni assigiinngitsut pisariinnerupput arlaatigullu ajornakusoornerullutik.
Software onlinekkut aaneqarsinnaavoq aaneqarneralu automatiskimik ingerlatinneqarsinnaavoq. Taamani software programmitut pissarsiariniarlugu dvd-tut takkuttarneratulli ullumikkut taamaanngilaq. Software programpakketut pissarsiarineqarsinnaasoq nutaaliaavoq, taannalu assigiinngitsorpassuartigut pissarsiarineqarsinnaavoq.
Softwarep saniatigut licensit uppernarsaatillu ingerlaavartumik nutarterneqartartussat ingerlaannarnissaalu qulakkeerniarlugu isumagineqartartussat ilaapput.
Pisariaqartitasi aalajangersimasut soqutigaavut aamma licensinik uppernarsaatinillu annerusumik annikinnerusumilluunniit pisariaqartitassinnik siullermeerlusi pisinissinni ikiussavatsigit.
Uagut aqqutigaluta aaqqiissummik annerusumik pisinissinni software ilaareernersoq aalajangersimasumilluunniit sullinneqarnissinni ilaanersoq tamatumani apeqqutaanngilaq.
Software IT-mi aaqqiissummut ataatsimoortumut ilaasutut isigineqassaaq. Taamaammat aaqqiissutip sorliup toqqarnissaanut tamatumalu kingorna suliffeqarfissi tamatuminnga pissarsiarinninnissaanut tunngatillugu inu:it-mit siunnersorneqarumallusi qinnuiginninnissarsi pissusissamisoorpoq.
Taamaaliornikkut siunnersortip ilissi suliffeqarfissinnik ilissilu pisariaqartitarpiassinnik ilisimaarinnittup siunnersussavaasi aamma taamaaliornikkut softwarenik, licensinik uppernarsaatinillu pissarsiniartoqassatillugu periarfissarpassuit ataqatigiissinnissaallu nalunarsinnaasarmata isumannaatsumik ikiussavatsigit.
Inu:it-ip paasisimasaqarnera iluaqutigalugu suut pigineqartariaqarnersut suullu pigissallugit iluarnersut pillugit aalajangernissarsi ajornannginnerulissaaq.
Suut softwarenik nioqqutissat inu:it-mit neqeroorutigineqarpat
Tunisassiortut akuerineqartut tunisassiaat tuniniartarpavut soorlu ilaatigut Microsoft, HP, HPE, Fortinet, Veeam, Eaton, VMware, 3CX, Lenovo, Samsung, Apple, Easyinstall, Skykick, Vipre, Flexfone, Trustzone, Cisco allarpassuillu.
Softwarenut tunngatillugu ilaatigut uku neqeroorutigisinnaavavut:
- Allaffissorluni sulinermi programmit pingaartumik Microsoft 365
- Suliffeqarfimmi suliassaqarfinni assigiinngitsuni suleqatigiinnermi sharepoint aamma Microsoft Teams
- Dynamics C5/NAV-imi ERP
- Firewallimi softwaret isumannaallisaasut
- Qarasaasiani, qarasaasiani angallattagaanngitsuni, tabletini/iPad End point securitymi (antivirus) softwaret isumannaallisaasut
- Adobemi titartaanermi programmit allagaatilerinerlu
- Piginngisavut piniartarpavut
Nioqqutissaq toqqorsimasuutiginngikkutsigu inniminnipallassavarput. Akit, tikinnissaata sivisussusia, nassiunnera il.il. pillugit paasisaqarumallutit attavigitigut.
Suliffeqarfivit hackerimit saassunneqarnissaminut illersorneqarpa?
Aaqqiissutit assigiinngitsut Software as a Servicetut, SaaS-itut tunniunneqarsinnaapput. Software atuisuuffik pisiarisimasat aamma serverit qitiusoqarfimmeersut aqqutigalugit isersinnaanerit matumani pineqarput. Ilinni, paasissutissanik katersuiffitsinni imaluunniit cloudimi.
Applikationitit Software as a Servicetut atorukkit pisariaqartitatit malillugit eqaatsunik tulluarsarneqarsinnaasunillu aaqqiissutinik atuissaatit. Software attartussavat aamma taamaallaat pisariaqartitatit akilissavatit.
Attaveqaatinik nutaaliaasunik atuinngikkaluarluni Software as a Servicep aaneqarsinnaanera, atuutilersinneqarsinnaanera ingerlaannarnissaatalu isumaginera ajornanngitsunnguummat tamatuma iluaqutigaa. SaaS-imi aaqqiissutit amerlanerit browserimi atorneqarsinnaapput.
Atuisut taamaalillutik softwarep atortorissaarutinut toqqunngikkaluarlugit aaqqiissummik atuisinnaapput.
Softwaredeployering pillugu ataani paasisaqarnerusinnaavutit.
Software deployment (softwaredeploying) pillugu paasissutissat nalinginnaasut
Softwaredeployering piffissartornarsinnaallunilu pisariusinnaavoq, imaluunniit aaqqiissutit nutaaliaasut atorlugit ataasiaannarlutit toorsinikkut software qarasaasianut tamanut ikkunneqarsinnaavoq nutarterneqarsinnaalluniluunniit.
Inu:it-ip aaqqiissutaata toqqaneratigut suliffeqarfiup softwarenik atuisuuffeqarnera atuineralu tamakkiisumik takusinnaalissavat. Taamaalillutit softwaret atorneqanngitsut akilersornerlugit takusinnaalissavat.
Softwaredeployering sakkussaq pitsaasuummat piffissartorpallaarnavianngilatit aamma aningaasat sipaassavatit, tamatumalu peqatigisaanik qarasaasiassi nutarterneqartuartarnissaat sapinngisamillu pitsaanerpaamik isumannaatsuunissaat qulakkiissavat.
Attavigitigut
Tak for din henvendelse. Vi vender tilbage hurtigst muligt.
