Backup - Paasissutissaativit annaannginnissaat pingaaruteqarmat
-Paasissutissaativit annaannginnissaat pingaaruteqarmat
Systemitit uagitsinniinnersut, ilinniinnersut cloudimiinnersuulluunniit apeqqutaatinnagu inu:it-mi paasissutissaatitit illersorniarlugit isumannaatsumik eqaatsumillu sillimmateqarsinnaavutit.
Ajutuussagaluaruit annaasatit uterteqqissinnaanissaat aamma attaveerunnermi, kukkusoqarnerani internetsikkullu ajoquseeriartoqarnerani paasissutissaativit illersortuarnissaat qulakkiissavarput.
Sooq sillimmateqarnissaq pingaaruteqarpa?
Sillimmateqarnermi fiilit taamaallaat pineqarneq ajorput – aammali suliffeqarfivit ingerlaannarnissaa pineqartarpoq. Sillimmateqanngikkaanni paasissutissanik annaasaqarneq sunut tamanut unittoortitsisinnaavoq. Sillimmateqarluaruit sukkasuumik ingerlaqqissinnaavutit aamma sivisuumik atassutaarutinngikkaluarlutit sulinerit nangeqqissinnaavat.
Taamaammat sillimmateqarnissaq pingaaruteqarpoq:
- Ajutoortoqartarpoq – hardwaret kukkuneqarsinnaapput, softwaret attaveerussinnaapput inuillu kukkusinnaallutik.
- Internetsimi isumannaallisaanermut navianartut annertusiartorput– ransomware aamma paasissutissanik tillinniarnerit suliffeqarfinnit minnernit nalaanneqartarnerat akulikinneruleriartuinnarpoq.
- Inatsisitigut piumasaqaataavoq –Paasissutissat illersornissaat annaasaqarnermilu utertitsisinnaanissamut periarfissat pillugit GDPR aamma malittarisassat allat piumasaqaataapput.
Suut neqeroorutigaavut?
Suliffeqarfinnut tulluussakkamik sillimmateqarnissamut tunngatillugu ataatsimut sullissinissamik inu:it-mit neqeroortarpugut aamma paasissutissaatitit pingaarutillit sumi inissisimagaluarpataluunniit isumannaatsumiitissavavut.
Ilaatigut uku pillugit ikiuussinnaavugut:
- Systeminik inu:it-mi avataaniluunnit serverimiititanik sillimmateqarneq
- Systemimiittuutissinnik sillimmateqarneq
- Piaarinani peersisoornissanut saassunneqarnissamulluunniit paasissutissanik Microsoft 365-imiittunik – Exchangemiittunik, OneDrivemiittunik, SharePointimiittunik aamma Teamsimiittunik sillimmateqarneq
Teknologiimut tunngasut nassuiarnerat - Veeam aamma paasissutissanik qitiusoqarfik
Ingerlatsinerup qaffasissumik isumannaallisarneqarnissaa qulakkeerniarlugu Veeam sillimmateqarnitsinni atortarparput, taanna niuerfimmi platformini akuerisaanerpaat ilagaat, aamma paasissutissanik qitiusoqarfik isumannaatsoq atorneqarpoq.
Ikkussuinitsinni pingaarnerpaat ilaat uani takusinnaavatit:
- Paasissutissanik qitiusoqarfimmi marlunnik isumannaatsumik sillimmateqarneq
- Sillimmateqartuarnissaq anguniarlugu automatiskimik kopeerisarneq
- Offlineqqanermi piffissami sivisuumi toqqorsimasuuteqarluni tapemik sillimmateqarneq aamma ransomwaremut saniatigut illersorneq
- Peersisoornissaq saassunneqarnissarlu eqqarsaatigalugit Microsoft 365-imiittunik paasissutissanik, mailinik, fiilinik aamma paasissutissanik Teamsimiittunik sillimmateqarneq
Illit iluaqutissatit
- Isumannaallisaaneq qaffasissoq –Sumiiffinni assigiinngitsuni sillimmateqarneq aamma saniatigut ransomwaremut tunngatillugu sillimmateqarneq
- Eqaassuseq – Najukkami aamma cloudimi sillimmateqarneq
- Toqqissisimaneq –Illit sinnerlutit nakkutilliivugut aamma sillimmateqarneq isumagivarput
Paasissutissaatitit isumannaarusuppigit?
Tak for din henvendelse. Vi vender tilbage hurtigst muligt.
