Matukkut Isersinnaasunik Nakkutilliineq – ADK
Suliffeqarfissi isumannaarnissaanut ikiussavatsigit, taamaalillusi kikkut isersinnaanerannik ajornanngitsumik sukkasuumillu aqutsisinnaaniassagassi. Kikkut piffissap qanoq ilinerani isersinnaanerannik aqutsinissaq ajornanngilaq.
Aamma kikkut isersinnaanersut, matumani sumut qaqugukkullu isertoqarsimanersoq tamakkiisumik takusinnaalissavarsi. Aaqqiissuterput sulisunut atoruminartuuvoq, tassami tamanna digitalikkut matuersaataammat aamma pisinnaatitaaffiit ilissi qitiusumiit sekundialuit ingerlaneranni naleqqussarsinnaagassigit.
Isumannaallisaanerup pingaaruteqassusia
Sulerisuunersi apeqqutaanani sulisusi paarisariaqarpasi, minnerunngitsumillu sullitasi, paasissutissaatisi, ilisimasasi allaffisilu paarisariaqarpasi.
Isersinnaasunik nakkutilliinermut aaqqiissuterput nutaaliaasoq iluaqutigalugu kikkut allaffissi ilaannut isersinnaanerannik eqaatsumik aqutsinissinni ikiussavatsigit.
Taamaalilluni matunik tamanik, skaavinnik allanullu tunngatillugu isersinnaasunik aqutsiffigisariakkassinnut taanna atorneqarsinnaavoq.
Isertarfiit, sulisut amerlassusiat isersinnaanermullu malittarisassat apeqqutaatinnagit aaqqiissuterput ilissi pisariaqartilluinnakkassinnut naleqqussarneqarsinnaaniassammat tamanna eqaappoq. Aamma aaqqiissuterput ikkunneqareerpat ilissi nammineerlusi isumagerusunnerlugu imaluunniit tamanna uagut isumagissaneripput nammineq aalajangersinnaavarsi.
Kikkut qanoq pisinnaatitaaffeqarnersut aamma kikkut isersimanersut tamakkiisumik takutissinnaavarput. Assersuutigalugu nakkutilliinermi pisinnaatitaaffiit, atuisut isersimasullu ajornanngitsumik uppernarsarsinnaavasi.
Brikki, korti, klistermærki isissutissarluunniit alla ”matuersaatitut” atorusunnerlugu nammineq aalajangersinnaavarsi. Mobiltelefoni (smartphonet) isissutissatut aamma atorneqarsinnaapput.
Mobiltelefonimik atuisinnaaneq ajornanngitsunnguuvoq, tassami ilissi isissutissanut allanut tunngatillugu hardwarenut aningaasaliisariaqassannginnassi.
Matuersaat hardwareunngimmat tamatuminnga atuinissaq eqaappoq. Isissutissaq atorlugu atuisoq isertarpoq. Atuisoq isissutissaa atorsinnaanersoq atuisorluunniit itigartinneqassanersoq isersinnaassanersorluunniit tamatumani nakkutigineqartarpoq.
Itigartinneqarsimasut isersinnaasullu systemimi nalunaarsorneqartarput. Aaqqiissuterput digitalikkut ingerlanneqartarpoq qitiusumiillu aqunneqartarluni, taamaalillusi atuisut aalajangersimasut atuisulluunniit tamarmik pisinnaatitaaffeqassanersut ajornanngitsumik pisariitsumillu allanngortissinnaavarsi.
Aqutsisutut toqqarsimasarsi pisinnaatitaaffinnik allanngortitsinissamut tamakkiisumik aqutsisinnaalissaaq. Sekundialuit ingerlaneranni allannguutit atuutilissapput.
ADK-mut aaqqiissutissatut nassuiaat (matumik automatiskimik nakkutiginninneq)
Sullitat maannakkut aaqqiissutaannik misissueqqissaartarpugut taakkulu sullitap kissaataanut sanilliuttarpavut, tamannalu tunngavigalugu aaqqiissut atuisumut naleqqussartarparput.
Angissusia, pisariaqartitat qanorlu pisariutiginersoq apeqqutaallutik ilissinnut ilissilu atortorissaarutissinnut aaqqiissutissamik naleqquttumik nassaassaagut.
Parnaarsaammik matuersaatinullu taarsiullugu elektroniskinik atuisarpugut. Matuersaat tassaasinnaavoq brikki, korti tajarluunniit – imaluunniit smartphonemi appi.
Atortorissaarut mattunneqarsinnaammat taamaalillunilu matuersaat sekundialunnguit ingerlanerinnaanni atorunnaarsinneqarsinnaammat isumannaallisaaneq qaffasinnerulerpoq. Ikkuttakkamik matuersaateqanngimmat matuersaatit tigummiviillu attorneqarneq ajormata aamma annerusumik eqqiluisaartoqarnerulerpoq.
Matumut nakkutilliissutitsinni ADK-mi nioqqutit SALTO Systemimeersut atukkavut ukiut 20-t sinnerlugit taakkuninnga misilittagaqareerput, aamma elektronikkikkut isersinnaasunik nakkutilliinermi nutaaliaasuni taakku nunarsuarmi siuttut ilagaat.
Aaqqiissummik ingerlatsineq naleqqussarneqarsinnaavoq. Sullitarput peqatigalugu aaqqiissut sorleq ilissi pisariaqartitassinnut periarfissassinnullu naleqqunnerpaanersoq paasiniassavarput.
Aaqqiissutit annerit sullitap nammineq paasissutissanik katersuiffiani imaluunniit uagut paasissutissanik katersuiffitsinni serverini ingerlanneqarsinnaapput. Aaqqiissutit akunnattuni serverimi attartortoqakkajuttarpoq. Aaqqiissutini minnerni cloudikkut aaqqiissutit atorneqakkajuttarput.
SALTO Systems pillugu uani paasisaqarnerusinnaavusi
Matukkut isersinnaasunik automatiskimik nakkutilliinerit assigiinngitsut
- ADK On premises – Aqutsinissamut software serverissinnut ikkunneqassaaq, taamaaliorussilu ADK-mut atassusersinnaalissaasi.
- ADK inu:it-mi ingerlanneqartoq - Uagutsinni ikkussuineq aqqutigalugu systemimut isersinnaavusi.
- Cloud aqqutigalugu ADK - Cloud aqqutigalugu isertoqarsinnaavoq.
Atuisutut matukkut isersinnaasunik automatiskimik nakkutilliinissamut (ADK) tunngatillugu nalunaarusiat tullinnguuttumi allassimasut takusinnaalissavasi, tamatumani aqutsinissamut sakkussat aqqutigalugit iserfigisinnaavasi:
- Pisinnaatitaaffiit: Kikkut matunut sorlernut isersinnaanersut aamma skema sorleq atorneqarnersoq.
- Matukkut isertut: Kikkut sorlikkut isersimanersut aamma qassinut isersimanersut.
- Systemini pisinnaatitaaffiit: Aaqqissuussinermi kina allanngortitsisimanersoq, tassunga ilanngullugit skemani allanngortitsinerit, iserfissanik nutaanik pilersitsinerit atuisunullu pisinnaatitaaffinnik tunniussinerit.
ADK - Smartphonet sorliit atorneqarsinnaanersut
Smartphone styresystemimi versionit tullinnguuttumi allassimasut piumasaqaataapput (28. marts 2022):
- Android 6.0 nutaanerilluunniit
- iOS 12.1 nutaanerilluunniit
Matukkut isersinnaasunik automatiskimik nakkutilliinerit- naleqqussaanissamut periarfissat.
Inu:it-ip aaqqiissutaa tunngaviatigut naleqqussarneqartuaannarsinnaavoq, taamaattorli killigititavut tassaapput: atuisut 4.000.000-it aamma matut 64.000-it, allatut oqaatigalugu suliffeqarfivit alliartornissaanut eqqarsaatigalugu taakku aaqqiissutitigut killiliunneqarsimapput.
Ataatsimut isigalugu isumannaallisaaneq iluatsilluarnissamut pingaarutilerujussuusoq inu:it-mit isumaqarpugut, aamma immaqa IT-kkut isumannaallisaaneq pillugu eqqarsaatersuutitta periaatsittalu imaluunniit IT-kkut isumannaallisaanermik misissuisarnerput nuannarineqarluartup atuarnissaannut soqutiginnipputit.
Attavigitigut
Tak for din henvendelse. Vi vender tilbage hurtigst muligt.
