Nakkutilliineq kalerrisaarinerlu
Qarasaasialerinerup silarsuaani ”ikuallattoornermi kalerrisaarut”
Sooq immikkut ilisimasallit nakkutilliisussatut kalerrisaarneqartussatullu toqqarneqassappat?
Takorlooruk angerlarsimaffiit ikuallattoqartillugu kalerrisaaruteqanngitsoq – toqqissillutit sinissinnaassagaluarpit? Amerlanerit naamiissapput. Ullut tamaasa ikuallattoqalerneq ajoraluartoq ikuallattoortoqarsinnaavoq aamma kingunerisai ilungersunarsinnaapput. Ikuallattoornermi kalerrisaarutip ikuallattoqarnissaanik pinngitsoortitsisinnaanngilaq, kisianni kalerrisaaruteqarnikkut navianartup sukkasuumik paasinissaa qisuariapallannikkullu ajoqutaasut annikinnerpaaffianiitinneqarsinnaapput. Aamma qarasaasialerinerup silarsuaani nakkutilliinermut kalerrisaaruteqarnermullu tunngatillugu taamatoqqissaaq ippoq: illit sinnerlutit digitalikkut isumannaallisaanermi navianartunik paasiniaassapput, systemitit paasissutissaatitillu ajornartorsiutinut arajutsineqartunut illersorneqassapput.
Nakkutilliineq kalerrisaarinerlu – Qarasaasialerinerup silarsuaani “ikuallattoornermi kalerrisaarut”
Suliffeqarfimmi nutaaliaasumi ingerlatsinermi digitalikkut atortorissaarutit, systemit attaveqaatillu ingerlanissaat pingaaruteqarpoq. Atortut tamarmik pingaaruteqarput, aamma kukkuluttornimininnguaq ingerlatsinermut, aningaasaqarnermut tusaamaneqarnermulluunniit tunngatillugu kingunerluuteqangaatsiarsinnaavoq. Nakkutilliinermik kalerrisaarummillu atuinikkut IT-kkut attaveqaatinni immikkuualuttunik tamanik – serveriniit attaveqaatiniillu applikationinut, cloudinut atuisullu iliuusaannut tunngasunut tamanut - nakkutiginnittussanik nutaaliaasunik systemeqalissaatit.
Siunertarineqartut paasiuminarput:
- Kukkunerit nikingassutaasullu ajoqusiinnginneranni taakkuninnga paasiniaaneq
- Akilertorneqassaatit ajornartorsiullu aaqqinneqapallassalluni
- Attaveerunnerup sivikillisinnissaa paasissutissallu annaaneqartut ikittuaraanissaat
- Pingaarnertut suliassatit aallussinnaaniassagakkit toqqissisimasinnaavutit
Inu:it-mit suut neqeroorutigineqartarpat?
IT-mik isumannaallisaanermi immikkoortunik tamanik isumannaallisaanissamut tunngatillugu nakkutilliinikkut kalerrisaarinermilu kiffartuussinissatsinnut inu:it-mi immikkut ilisimasaqarpugut. Systeminik nakkutilliissutinik ikkussuisinnaavugut aamma illit sinnerlutit taakku ingerlanissaat isumagisinnaavavut – aamma systemit illit nammineerlutit ingerlatannik nakkutilliisinnaavugut. Qanorluunniit pisariaqartitaqaraluarlutit systemivit illersorneqarnissaannik qulakkeerinnittumik ajornartorsiutaasinnaasunillu arajutsinngisaannartussamik tunniusimasunik suleqatigisartagartaassaatit.
Nakkutilliinitsinni uku ilaapput:
- Serverit attaveqaasersuutillu
- Applikationit websystemillu
- Paasissutissanik katersiviit toqqorsiviillu
- Cloudimi kiffartuussissutinik qarasaasialerinermi akuleriinnik atuineq
- Atuisut iliuusaannut tunngasut sulinermilu suleriaatsit pingaarutillit
Avataaniit nakkutilliineq: digitalikkut sillimmatit
Immaqa systemini nammineerluni nakkutilliinissaq isumannaannerpaasorigunarpat. Kisianni soorlu ikuallattoqartillugu kalerrisaarut sarfamit ingerlasoq innaallagiaqarfimmullu atassusersimasoq ikuallalerpat kalerrisaarisinnaanavianngitsoq assigalugu systemi arlaatigut ajoquteqarpat najukkami nakkutilliinissaq killeqarsinnaavoq. Taamatut pisoqartilugu kalerrisaarisussaq kalerrisaarinngitsoorsinnaavoq aamma piffissaatillugu ajornartorsiut arajutsisoorsinnaavat.
Taamaammat arlaatigut pisoqartillugu tamatigut kalerrisaarneqartarniassagavit – aamma pingaarnertut systemi ajutuussagaluarpalluunniit - systemit sillimmatit atorlugit inu:it avataaniit nakkutilliinissamik neqerooruteqartarpoq. Taamaaliornikkut arajutsisaqassanngilatit aamma arlaannik pisoqartillugu piareersimassaatit.
Inu:it ima nakkutilliinermik kalerrisaarinermilu sulisarpoq
Tulluussakkamik misissueqqissaarneq siunnersuinerlu
IT-kkut attaveqaatit suliffeqarfimmilu suleriaatsitit peqqissaartumik misissoqqissaarlugit aallartissaagut. Systemit ingerlariaatsillu pingaaruteqarnerpaat nakkutigineqartariaqartut peqatigalutit paasiniassavavut. Nakkutilliissutip qanoq pitsaanerpaamik inissinneqarsinnaaneranut, nakkutilliinermi suut qitiutinneqarnissaannut aamma kalerrisaarut pitsaanerpaamik sunniuteqassappat qanoq isumagineqarnissaanut tunngatillugu siunnersuisarpugut.
Ikkussuineq peqataatitsinerlu
Nakkutilliissut ikkussussavarput, taamaalillutit aaqqiissutitit pigeriikkatit atorlugit imaluunniit immikkut avataaniit atorlugit nakkutilliissut atorneqarsinnaavoq. Illit pisariaqartitannut naleqqussaalluta annerusup nakkutiginissaa eqqorluarnissaalu qulakkiissavarput – aamma dashboard nalunaarutillu attuumassuteqartut iserfigisinnaassavatit.
Kalerrisaarut automatiskiusoq ingerlatitseqqinnerlu
Nikingasoqaraangat kukkusoqaraangallu toqqaannartumik ilinnut kalerrisaarut ingerlateqqinneqartassaaq – uagulluunniit pigaartutsinnut, tamanna kissaatigigukku. Pisariaqartumik iliuuseqapallattoqarsinnaaniassammat kalerrisaarinerit immikkoortinneqartarput, pingaarnersiorneqartarput tigusisussamullu eqqortumut ingerlateqqinneqartarlutik. Kukkunerit annikitsut annerulinnginneranni automatiskimik aamma ikiuuttarpugut.
24/7/365 pigaartoqarneq –eqqumajuaannarpugut
Suliffeqarfippassuit ulloq unnuarlu systeminik nakkutilliisunik sulisoqanngillat. Ajornartorsiutip kisermaatinngisaannarnissaa qulakkeerniarlugu inu:it ukioq tamaat sapaatip akunnerani ullut tamaasa pigaartoqarnissamut tunngatillugu neqeroortarpoq. Suleqativut qarasaasialerinermik immikkut ilisimasallit kalerrisaarinernik tigusaqarnissamut, pissutaasumik misissueqqissaarnissamut iliuuseqarnissamullu piareersimajuaannarput – piffissaq apeqqutaatinnagu. Ajornartorsiorninni sunniuteqarluartumik sukkasuumillu ikiorneqassaatit, taamaalilluni piffissaq attaveerunnerit sivikinnerussaaq ajoqusiinerillu annikinnerussallutik.
inu:it-ip nakkutilliinermik kalerrisaarinermillu sullissinerata iluaqutissartai
- Toqqissisimaneq – Systemivit suliamut ilisimasalinnit nakkutigineqarnerat nalunnginnakku toqqissillutit sinissinnaavutit.
- Iliuuseqapallanneq – Kukkunermik paasinnipallannermi ikiuipallannermilu piffissaq aningaasallu sipaarneqartarput.
- Naleqqussaasinnaaneq – Suliffeqarfivit alliartornerani aaqqiissut pisariaqartitanut nutaanut naleqqussarneqarsinnaavoq.
- Ammasumik periuseqarneq – Ingerlaavartumik nalunaarusiat systemillu peqqissusiat killiffia iserfigisinnaavatit.
- Eqaassuseq – Naleqqussaalluni nakkutiginnittoqarsinnaavoq, nammineq aqutatit nakkutigisinnaavavut illilluunniit sinnerlutit nammineq nakkutilliisinnaalluta.
- Sillimmat – Illit systemit ajutuussagaluarpat avataanit nakkutilliinermi kalerrisaarutip apuuttuaannarnissaa qulakkeerneqassaaq.
- Iliuuseqartarneq – Nuanniitsut pillugit tupaallannissaq pinngitsoortinniarlugu ajornartorsiutaasinnaasut ilungersunartunngunnginneranni paasineqartarput
Attavigitigut
Tak for din henvendelse. Vi vender tilbage hurtigst muligt.
