Firewall: Digitalissi kissaatiginngisassinnik iserfigineqarnissaanut illersuut
Sunniuteqarluartumik firewallimik atuineq iluaqutigalugu suliffeqarfissinni IT-kkut attaveqaatissi kissaatiginngisassinnik iserfigineqarnissaanut illersorneqassaaq. Illit attaveqaativit avatangiisivillu akornanni paasissutissat nassiunneqartut tiguneqartullu aalajangersimasut firewallimit mattunneqarsinnaapput.
Allatut oqaatigalugu malittarisassat ikkunneqarsimasut aqqutigalugit akuerineqarsimanatik iserniartut ingalassimatinneqarsinnaapput. Firewallimik eqqortumik toqqaanissaq pingaaruteqarpoq, tamatumalu peqatigisaanik malittarisassanik ikkussuinikkut iserniartunik nakkutiginnittoqarsinnaavoq.
Pisariaqartinneqartut malillugit tunnussisinnaajumalluni allaffeeqqaniit suliffeqarfissuarnut suliffeqarfinnullu angissutsimikkut akunnattunut firewallsinik peqarpoq.
Inu:it-mi siunnersortivut misilittagallit isumannaallisaanikkut siooranartoqarnera pillugu ingerlaavartumik malinnaasarput, taamaammallu aaqqiissummik ikkussuinermillu toqqaanermut tunngatillugu siunnersorsinnaavatsigit aamma ajunngitsumik ingerlanissaanik ingerlaavartumik isumaginnissinnaavugut
Firewall eqqortoq toqqaruk
Kukkusumik firewallimik pisigussi isumannaallisarneqarnersi naammanngitsoorsinnaavoq aningaasallu atulussinnarsinnaavasi. Aamma pisariaqartitanut naapertuutinngitsumik atuisoorsinnaavusi, taamaalilluni tamanna attaveqaatissinnut tamarmiusumut ajornartorsiortitsilersinnaavoq.
Ilissi suliffeqarfissinni pisariaqartitassinnut aaqqiissutit eqqortut pillugit inu:it-mit siunnersuisarpugut.
Firewallimik ikkussuinermi atortorissaarutit sorliit akuersissuteqassanersut inissinneqarsinnaapput. Malittarisassat qaffasissumik isumannaallisaanissamut iluaqutaasinnaapput, aammali amerlanerusunik atorfinitsitsinissaq oqinnerulersinnaavoq aamma firewallimi ikkussuinerup tungaatigut allanngortitsinngkkaluarluni ulluinnarni IT-mi atortut taarserneqarsinnaapput.
Firewall pisunik nalunaarsuisinnaavoq. Kisianni ilissi suliffeqarfissinni IT-mi isumannaallisaanissinnut attuumassutillit suuppat? Aamma paasissutissat suut pisariaqanngillat? Taakku pillugit siunnersortitta aamma siunnersorsinnaavaasi.
Siunnersortitta ilissi suliffeqarfissi pisariaqartitaat paasiniassavaat, aamma peqatigalusi sunniuteqarluartumik oqimaaqatigiissaarinissaq anguniarlugu ikkussuinermi tunngaviit misissussavavut.
Ima ikiussavatsigit
Isumannaannerusumik attaveqarnissassinnut ikiussavatsigit, tassani paasissutissat tiguneqartut nassiunneqartullu tamakkiisumik takusinnaassavasi.
Firewallimik pisineq pillugu siunnersuinissamik neqeroorfigissavatsigit, aamma isumannaallisaassummik pisinissassinnut isumaginnikkusuppugut, taamatuttaaq aaqqiissut ikkukkusupparput kingornalu ajunngitsumik ingerlanissaa isumagisinnaavarput.
Aaqqiissutip ilissinnut nalillip nassaarinissaa pingaarnerpaavoq. Taamaammat internetikkut pinerluffigineqarsinnaanissinnut pitsaanerpaamik illersornissarsi anguniarlugu aaqqiissummik pitsaasumik pissarsinissaq pillugu immikkut oqaloqatiginissarsi pingaaruteqarpoq.
Attaveqaatit pillugit firewallsinut tunngatillugu Fortinets Firewalls Magic Quadrantsiminni niuerfimmi nioqqutitut ingerlanerpaat ilaattut Gartner Researchimit nalilerneqarput.
Kissaatiginngisamik akuerineqartumillu isertoqartarnera pillugu isumannaallisaanermut tunngatillugu VPN-imik ikkussuinerit pillugu isernermi marloriarluni kinaassutsimik uppernarsaasarnissaq innersuussutigisarparput. Fortitoken imaluunniit Azure AD Multi-Factor Authentication MFA-mut atorneqarsinnaapput.
Tamatuma saniatigut isumaqatigiissuteqarnikkut Firewallissi ajunngitsumik ingerlanissaa inu:it-mit isumagineqarsinnaavoq aamma IT-kkut attaveqaatissi kissaatiginngisamit iserfigineqarnissaanut illersorluarneqarnissaa aaqqiissummit qulakkeerneqarsinnaavoq.
Attavigitigut
Tak for din henvendelse. Vi vender tilbage hurtigst muligt.
