Ulluinnarni toqqissisimaneq
Digitalimut tunngasut unammillernarneruleraluttuinnarneranni sapinngisamik pitsaanerpaamik illersorneqarnissarsi siunertaralugit Endpoint security suliffeqarfiit illillu eqqarsaatigalusi ineriartortinneqarsimavoq.
Internetsimi isumannaallisaanermut navianartorsiortitsineq anneruleraluttuinnarpoq, tamannalu pissutigalugu virusinit, ransomwarenit, malwarenit, phishingimit allanillu digitalimit navianartunit saassunneqarnissaq akiorniarlugu aaqqiissutit nutaaliaasut akiuulluarsinnaasullu pisariaqartinneqarput.
Endpoint security
Isumannaallisaanermut tunngatillugu ataatsimut isiginninnissamut ajornartorsiutillu suli pinnginneranni iliuuseqarnissamut neqerooruteqartarpugut, tassani navianaatit annikillisinnissaat ajutoortoqassagaluarpallu ajoqusiinerit killilernissaat qitiutinneqarput. Suliffeqarfimmi atortorissaarutit paasissutissallu inunnit kukkusunit tiguneqannginniassammata tusagaanerlutsitsisoqannginniassammallu aaqqiissutivut iluaqutigalugit taakku illersorneqartarput.
Suliffeqarfivit navianaatinut nutaanut piareersimajuarnissaa qulakkeerniarlugu endpoint protection nutaaliaasoq atorlugu ingerlaavartumik nakkutigineqalissaatit aamma automatiskimik qisuariartartumik nutarterisartumillu peqalersinnaavutit. Pingaarnertut suliasi aallussinnaaniassagassigit –
Pitsaanerpaamik isumannaallisaanersi qularinagu – ulluinnassinni toqqissisimaniassagassi - ilissi pisariaqartitarpiasi naapertorlugit naleqqussakkamik illersorneqarnissassinnut suleqatitta immikkut ilisimasallit ikiorusuppaasi.
Microsoft Defender – illersuut sunniuteqarluarlunilu atoruminartoq toqqissisimatitsoq
Suliffeqarfiit ullumikkut digitalikkut navianaaterpassuarnut isumannaallsiarniarlugu Microsoft Defender isumannaallisaanermi aaqqiissutaavoq nutaaliaasoq. Suliffeqarfiup teknikkikkut qanoq inissisimanera apeqqutaatinnagu aaqqiissummik paasiuminartumik akiuulluarsinnaasumillu pissarsissaasi, taassumalu atoruminartuunissaa pitsaanerpaamillu illersuinissaa qitiutinneqarpoq.
Illersuineq iluaqutigilertupallanniassagassiuk Defendermik atuilernissinniit qanoq ikkussuinissassinnut tunngatillugu innersuuteqarnissamut neqeroortarpoq – aamma suliffeqarfiit ikkussuinermut piffissartungaatsiartariaqanngilaq. Atortorissaarutisi tunngaviusumik illersuinerup saniatigut nutaaliaasumik nakkutiginninnissaq navianaataasinnaasullu akiornissaat anguniarlugit teknikkit nutaaliaasut atorneqarput.
Aaqqiissut iluaqutigalugu suliffeqarfimmi atortorissaarutit ingerlaavartumik nakkutigineqarput aamma taakku systemitut kalerrisaarutitut atorput, taamaalllutik pasinartut paasisarpaat qisuariarfigisarlugillu.
Nunarsuarmi sullitat siammasissumiittut pillguit ilisimasat misilittakkallu annertuut tunngavigalugit Microsoft Defenderip ineriartortinneqarsimanera iluaqutissartalerujussuuvoq. Atortorissaaruterpassuarni millionilinni navianaatit saassussinerillu pisarnerat pissutigalugu Micosoftimi isumannaallisaanermut tunngatillugu suliaqartut tunniusimasut misissueqqissaarnermilu atortut nutaaliaasut iluaqutigalugit tunisassiaq ingerlaavartumik pitsanngorsarneqartuarpoq.
Microsoft Defender palatforminit assigiinngitsunit – Windowsimit, MacOS-imit, iOS-imit og Androidimiillu atorneqarsinnaavoq – aamma endpointsit, serverit, atortorissaarutit angallattakkat attaveqaatillu illersorneqarput. Suliffeqarfinnik ingerlatsinissat toqqissillutit aallussinnaaniassagakku suliffeqarfinnut digitalikkut navianaataasinnaasut piareersimaffigiuarsinnaaniassagakkit aaqqiissut una iluaqutigalugu eqaatsumik siunissarlu eqqarsaatigalugu isumannaallisaasinnaavusi.
Attavigitigut
Tak for din henvendelse. Vi vender tilbage hurtigst muligt.
