ConnectUs suliffeqarfimmik nuutsitsisussanngormat IT-milu suleqatigisartakkamik allanngortitsisussanngormat isumagisassarpassuupput. Inu:it IT-mi suleqatigisartagarilerlugu ikaarsaarneq naatsorsuutigisamit eqaannerujussuarmik ingerlavoq.
ConnectUs suliffeqarfiuvoq Jyllandip avannaaneersoq, ataatsimiinnissamik inniminniinermi oqarasuaatilerinermilu immikkut ilisimasaqarpoq. Aalborgimi allaffimmi suliffeqarfimmi sulisut 20-t Danmark tamakkerlugu sullitat ataatsimeeqatiginissaannut inniminniinikkut ikiuisarput aamma oqarasuaataasa suliamut pikkorissumit akineqarnissaannik qulakkeerinnittarput.
Inu:it-mi sullissinerit
- inu:cloud
- Firewall as a service
- Network as a service
- Tamakkiisumik IT-mik ingerlatsineq ikkussuinerlu
- IT-mi isumannaallisaaneq
- Ingerlaavartumik IT-mik ikiuineq
- Opsætning, der understøtter krav til GDPR og datasikkerhed
IT-mi suliassat amerliartortillugit suliffeqarfik alliartorpoq
ConnetctUs sulisut, sullitat systemillu amerlanerulernerat malillugu suliffeqarfiup iT-mik ikkussuinera annertunerujussuanngorpoq. Aaqqiissutit suleqatigiinnissaannik qulakkeerinninnissamut tunngatillugu suliamut ilisimasallit piginnaasaat pisariaqartinneqarput, aamma ingerlatsinerup, isumannaallisaanerup supportillu iluamik isumagineqarnissaat pisariaqartinneqarpoq.
Ima angitigilerpugut allaat IT-mut tunngasut tamarmik isumaginissaannut paasisinnaajunnaarlugit, sulili piffissaq tamakkerlugu taassuminnga suliaqartussamik sulisoqalernissatsinnut taama angitiginngilagut. Taamaammat IT-mi aalajangersimasumik, uagutsinnik ilisarisimannilluartumik, aamma ulluinnarni IT-mi unamminiarnartitatsinnik tamanik ikiuinissamut paasisimasalimmik suleqatigisartagaqalernissarput pisariaqartilerparput
Anja Ahm Nørgaard ConnectUs-imik piginnittoq pisortaanerlu
2025-p naanerani pisariaqartitsilerput. ConnectUs Nørresundbymiit Aalborgimi ininut nutaanut nuuttussanngorpoq, tamatumalu peqatigisaanik suliffeqarfik IT-mi pilersuisumik allanngortitsisussaavoq. Juullip ukiutoqqallu akornanni nutsertoqarpoq, aamma sulisut pisariaqanngitsumik akornusersorneqarnatik suliinnarsinnaaniassammata IT-mi aaqqiissutit sukkasuumik aaqqinneqartariaqarput.
IT-mi suleqatigisartagaq eqqortumik angissusilik
Piffissami sivisunerusumi ConnectUs IT-mi suleqatigisartagassaminik nutaamik ujarlersimavoq. Teknikkikkut aaqqiissutit pingaarnerusimanngillat, aammali suliffeqarfik eqqortumik angissuseqartariaqarpoq.
”Suliassaqarfimmi suliffeqarfiit inummiit ataatsimiit ingerlanneqartut amerlapput, taakkuli uagut suliffeqarfitsinnut tulluanngillat, tassami sunnerneqariaannaalissagatta. Tamatumali peqatigisaanik suliffeqarfimmi angisuumi sullitatut mikisutut ikkusunngilanga, soorlu sianernerit tamaasa inummik nutaamik oqaloqateqartarusunngilanga, Anja Ahm Nørgaard oqarpoq.
Taamaammat suliffeqarfiup IT-anik tamarmiusumik isumaginninnissamut naammattumik sulisulimmik piginnaasalimmillu suleqatissarsiorsimavoq, tamatumali peqatigisaanik ConnectUs suliffeqarfiullu ulluinnai ilisimaneqassapput.
”Suliffeqarfimmik akunnattumik angissusilimmik ujarlersimavunga, suliffeqarfik ima angitigissanngilaq allaat kikkuunerluta nalullugu. Tamatumalu uagut sullitatsinnik sullisarnitta assigaa,” Anja Ahm Nørgaard oqarpoq.
Innersuussuteqarnerup kingorna inu:it toqqarneqarpoq. ConnectUs allanit aamma neqeroorfigineqarsimagaluarluni inu:it-mut tatiginninneq ajunngitsumillu iliortutut misigineq aalajangiinermi pingaaruteqarsimapput.
Suleqatigiinnerup aallartilluarnera
Suleqatigiinneq nutsernermik aallarnerneqarpoq. ConnectUs-ip aaqqiissutai pioreersut pisariaqartitaalu inu:it-p paasiniarpai aamma IT-mik ikkussuinerup inini nutaani inississornissaannut inu:it akisussaasuuvoq.
Piffissaq eqqarsaatigalugu suliassap suliarinissaa pisariuvoq, tassami juullikkut nalaanni nutserput. Inu:it suliassamut akisussaaffimmik tigusisoq pisariaqartitsinerpaaffimmilu ikiuuttoq, Anja Ahm Nørgaard misigivoq.
Pisariaqarfiatigut ikiuunnerat pissutigalugu assut ataqqivakka. Juullikkunni ikiuinertik naammagittaalliuutiginngilaat. Ikiuupput taamaammallu aallartilluarpugut
Anja Ahm Nørgaard ConnectUs-imik piginnittoq pisortaanerlu
Ullumikkut inu:it ConnectUs-ip IT-mik ikkussuineranut tamakkiisumik isumaginnittuuvoq. Ilaatigut inu:cloud, IT-mi isumannaallisaaneq aamma sulisut ingerlaavartumik ikiuinerat ilaatigut tassaniipput. Apeqqutissaqartoqaraangat ajornartorsiuteqartoqaraangalluunniit sulisut supportimut toqqaannartumik sianersinnaapput, aamma suliffeqarfimmik suliffeqarfimmilu aaqqiissutinik ilisimannilluartut ikiuisinnaapput.
IT-mik pilersuisut assigiinngitsut aaqqiissutaat ataasiakkaarlugit piginngikkaluarlugit IT-mut tunngasut ataatsimit akisussaaffigineqarput.
Piffissaq ungasinnerusoq eqqarsaatigalugu avammut suliakkiutigigatsigu sipaarnerussagunarpugut. Ikkussuinerit tamarmik A-miit Z-imut eqqortuunerat qularinngilarput, taamaammat naggaterpiaatigut arlaannik ajortoqassagaluarpat kukkussutaasoq iluarsiniarlugu aallaqqaaterpiaanut utertariaqanngilagut
Anja Ahm Nørgaard ConnectUs-imik piginnittoq pisortaanerlu
Isumannaallisaaneq aamma GDPR tunngaviit ilaattut
IT-mik isumannaallisaanerup aamma GDPR-ip ajunngitsumik isumagineqarnissaat ConnectUs-imit pingaartinneqarpoq. Suliffeqarfik sullitanut annerusunut assigiinngitsunut suliassatigut ikiuisarpoq, taakkulu suleqatigisartakkami paasissutissanik eqqortumik suliaqartarnissaat naatsorsuutigaat.
”inu:it-mut nuussimanerput ajunnginnerarlugu GDPR-mik siunnersortiga oqarpoq, tassami taakku ilumut ajunngitsumik isumagivaat. Sullitavut angisuut amerlapput, taamaammat piumasaqaatit eqqoqqissaartumik naammassinissaat pingaarteqaavut. Tunngavigisatta ajunngitsumik ingerlanerat takutissinnaasariaqarparput”, Anja Ahm Nørgaard oqarpoq.
Ilimagisamiit eqaannerusumik ikaarsaarneq
Nuunnissaq pilersuisumillu allanngortitsinissaq sioqqullugit ernummatigineqarsimasut qujanartumik ajornartorsiutaannginnerat paasinarsivoq. Illuatungaanili ikaarsaariarneq ilimagisamit ajunnginnerujussuarmik ingerlasimasoq Anja Ahm Nørgaard misigivoq:
”IT-mi pilersuisumik allannguinermi neriuutigisanniit pitsaanerujussuarmik ingerlalluarneruvoq. Tamannalu ajunngeqaaq. Assut piumassuseqarlutik ikiorusuppaatigut tigulluarneqaqaagullu.”
Aallartinnermiilli pingaarnertut imminut ilinniarnissaq aamma ConnectUs-ip suleriaasiisa paasilluarnerunissaat pingaaruteqarsimapput. Sulisut pisariaqartitsigaangata inu:it-mut sianiinnartoqarsinnaavoq. Tassannga tusaaneqartutut misigipput ajornartorsiutillu pimoorullugit suliarineqartarput.
”Arlaannik ajortoqaraangat IT-supportimut sianertoqakkajuttarpoq. Taamaammat tatineqartoqarsinnaallunilu ilungersunartorsiortoqarsinnaasarpoq, kisianni tamatigut tusaaginnarnatik iliuuseqartarput – aamma pisoq uippakajaarnaraluaraangalluunniit,” Anja Ahm Nørgaard oqaluttuarpoq.
Suleqatigiinneq suli nutaajukanneraluartoq aallartisarnermi ConnectUs assut tatiginnilersimavoq. Suliffeqarfik pingaarnersiorneqartoq Anja Ahm Nørgaard misigivoq aamma ikiuisussat pisariaqartinneqartillugit qanipput:
inu:it suliffeqarfik angisuujunersoq naluara, kisianni sianeraangama assorujussuaq pingaartinneqartutut misigiuaannarpunga. Ilumut tigulluarneqartaqaagut, aamma maannamut aaqqiissutissaqartuaannarsimavoq.
Anja Ahm Nørgaard ConnectUs-imik piginnittoq pisortaanerlu